Պատմության հետագծով

-1861 թ. նոյեմբերի 22-ին ծնվել է Դանիել Բեկ-Փիրումյանը՝ հայ նշանավոր ռազմական գործիչ, Սարդարապատի ճակատամարտի գլխավոր հրամանատար, ազգային հերոս, ռուսական բանակի գնդապետ (1915), հայկական բանակի գեներալ-լեյտենանտ (մահ.՝ 1921 թ.):

-1873 թ. նոյեմբերի 22-ին ծնվել է Հակոբ Մանանդյանը՝ հայ պատմաբան, բանասեր, աղբյուրագետ, պատմական գիտությունների դոկտոր (1938), պրոֆեսոր (1925), ԽՍՀՄ ԳԱ (1939) եւ ՀԽՍՀ ԳԱ (1943) ակադեմիկոս, ՀԽՍՀ գիտության վաստակավոր գործիչ (1935), (մահ.՝ 1952 թ.):

-1901 թ. նոյեմբերի 22-ին մահացել է հայ բանաստեղծ, բանասեր, պատմաբան, աշխարհագրագետ, թարգմանիչ, Վենետիկի Մխիթարյան միաբանության անդամ (1838) Ղեւոնդ Ալիշանը (ծնվ.՝ 1820 թ.):

-1930 թ. նոյեմբերի 22-ին ծնվել է Կիմ Երիցյանը՝ հայ անվանի դերասան, ՀՀ ժողովրդական արտիստ (2006), (մահ.՝ 2010 թ.):

-1942 թ. նոյեմբերի 22-ին ծնվել է Լեոնիդ Ազգալդյանը՝ հայ ֆիզիկոս, ռազմական գործիչ, Արցախյան ազատամարտի մասնակից, Արցախի հերոս (զոհվել է 1992 թ.): 

-1965 թ. նոյեմբերի 22-ին մահացել է Լեռ Կամսարը (Արամ Թովմասի Թովմաղյան, Տեր-Թովմաղեան)՝ հայ գրող, երգիծաբան (ծնվ.՝ 1888 թ.):

-1993 թ. նոյեմբերի 22-ին Հայաստանում շրջանառության մեջ է դրվել ազգային դրամական միավորը՝ դրամը:

-1997 թ. նոյեմբերի 22-ին մահացել է Հրաչյա Հովհաննիսյանը՝ հայ բանաստեղծ, արձակագիր, թարգմանիչ, հրապարակախոս, հասարակական գործիչ։ ՀԽՍՀ մշակույթի վաստակավոր գործիչ (1974)։ ՀԽՍՀ պետական մրցանակի դափնեկիր (1979, «Հայրական երգ» գրքից «Աշուն թագուհին» բանաստեղծությունների շարքի եւ «Արեւոտ կղզու երգը» բանաստեղծությունների շարքի համար)։ Գրող Դավիթ Հովհաննեսի եւ դերասանուհի Թամար Հովհաննիսյանի հայրն է։