-1273 թ. դեկտեմբերի 17-ին մահացել է Ռումին՝ պարսիկ նշանավոր բանաստեղծ, իրավաբան, սուֆի եւ աստվածաբան (ծնվ.՝ 1207 թ.):
-1770 թ. դեկտեմբերի 17-ին ծնվել է Լյուդվիգ վան Բեթհովենը՝ գերմանացի հայտնի կոմպոզիտոր, դաշնակահար, դիրիժոր։ Բեթհովենը դասական երաժշտության մեջ կլասիցիզմի եւ ռոմանտիզմի ժամանակաշրջանների կարեւորագույն գործիչներից է եւ համարվում է ամենահայտնի ու ազդեցիկ կոմպոզիտորներից մեկը։ Նրա լավագույն ստեղծագործությունների շարքն ընդգրկում է 9 սիմֆոնիա, 5 դաշնամուրային կոնցերտ, 1 ջութակի կոնցերտ, 32 դաշնամուրային սոնատ, 16 լարային կվարտետ, մեկ օպերա՝ «Ֆիդելիո» (վախճ.՝ 1827 թ.):
-1920 թ. դեկտեմբերի 17-ին ՀԽՍՀ հեղկոմի հրամանով Հայաստանի բոլոր մշակութային-կրթական հիմնարկները պետականացվում են։
-1920 թ. դեկտեմբերի 17-ին պետականացվել է Էջմիածնի մատենադարանը։
-1922 թ. դեկտեմբերի 17-ին ծնվել է Մելինե Համամջյանը՝ հայ դերասանուհի, ՀԽՍՀ ժողովրդական արտիստուհի (մահ.՝ 1999 թ.):
