-1872 թ. փետրվարի 9-ին ծնվել է Արմեն Գարոն՝ Հայաստանի Հանրապետության պետական գործիչ, ՀՅԴ ականավոր առաջնորդներից եւ «Նեմեսիս» գործողության կազմակերպիչներից։ Նրա հայրը հայերի մեջ ճանաչում ունեցող Հարություն Փաստրմաճյանն էր։ Արմեն Գարոն եղել է Խաչատուր Էֆենդիի թոռը։ Նրա անունն է կրում Կանադայում 2005 թ. հիմնադրված ՀՅԴ ուսանողների ասոցիացիան։
-1885 թ. փետրվարի 9-ին ծնվել է Ալբան Բերգը՝ ավստրիացի երգահան, երաժշտական էքսպրեսիոնիզմի եւ «Վիեննական Երկրորդ դպրոցի» կարկառուն ներկայացուցիչ (մահ.՝ 1935 թ.):
-1886 թ. փետրվարի 9-ին ծնվել է Ալեքսանդր Մյասնիկյանը՝ հայ քաղաքական, հասարակական գործիչ (մահ.՝ 1925 թ.)։ Երկրի տնտեսության վերականգնման, արեւմտահայ փախստականներին տեղավորելու, քաղաքացիական պատերազմի հետեւանքները վերացնելու, երկրում կայունություն հաստատելու համար Ալեքսանդր Մյասնիկյանը ծավալել է աշխատանքային մեծ գործունեություն։ Նա կարեւորել է հայ մտավորականությանը Հայաստանում համախմբելու եւ նրա համար ստեղծագործ աշխատանքի անհրաժեշտ պայմաններ ստեղծելու խնդիրը։ Այդ կապակցությամբ պաշտոնական հրավերներ է ուղարկել նկարիչ Մարտիրոս Սարյանին, ճարտարապետ Ալեքսանդր Թամանյանին, լեզվաբան Հրաչյա Աճառյանին եւ ուրիշների։ Խորհրդային Հայաստանի գործիչներից Մյասնիկյանն առաջինն է անդրադարձել Հայաստանի եւ սփյուռքի փոխհարաբերություններին. հատուկ ուսումնասիրություն է նվիրել սփյուռքում հայ ազգային քաղաքական կազմակերպությունների խնդիրներին։
-1924 թ. փետրվարի 9-ին կազմավորվեց Նախիջեւանի Ինքնավար Հանրապետությունը, որը մտավ Ադրբեջանական ԽՍՀ-ի կազմի մեջ։
-1960 թ. փետրվարի 9-ին ամերիկյան դերասանուհի Ջոան Վուդվարդի պատվին Հոլիվուդյան փառքի ծառուղում բացվեց առաջին աստղը։
-1998 թ. փետրվարի 9-ին Հայաստանի նախագահ Ռոբերտ Քոչարյանի որոշմամբ թույլատրվեց Հայ հեղափոխական դաշնակցության գործունեությունը։
-2010 թ. փետրվարի 9-ին Եվրախորհրդարանը հաստատեց Եվրոպական միության եվրահանձնաժողովի նոր կազմը։
-1888 թ. փետրվարի 9-ին ծնվել է Երվանդ Կողբետլյանցը՝ ռուսահայ մաթեմատիկոս, երկրաֆիզիկոս եւ գյուտարար (վախճ.՝ 1974 թ.):
-1903 թ. փետրվարի 9-ին ծնվել է Վազգեն Շուշանյանը՝ ֆրանսահայ գրող, բանաստեղծ, հասարակական գործիչ։ Գրել է վեպեր, բանաստեղծություններ, արձակ ստեղծագործություններ, օրագրեր, գրական-մշակութաբանական եւ քաղաքական հոդվածներ։ Ստեղծագործության հիմնական թեման եղել սփյուռքը, սփյուռքահայի դժվարին ու հակասական կյանքը, պայքարը ուծացման վտանգի դեմ։
-1935 թ. փետրվարի 9-ին ծնվել է Էռնեստ Հարությունյանը՝ կենդանաբան:
