Պատմության հետագծով

-1909 թ. փետրվարի 15-ին ծնվել է Արֆո Պետրոսյանը՝ հայ կին գրականագետ, բանասիրական գիտությունների դոկտոր (մահ.՝ 1985 թ.):

-1564 թ. փետրվարի 15-ին ծնվել է Գալիլեո Գալիլեյը՝ իտալացի ֆիզիկոս, աստղագետ, ինժեներ եւ փիլիսոփա, նրան երբեմն բազմագիտակ էին անվանում։ Գալիլեյը ճանաչվել է «դիտողական աստղագիտության», «ժամանակակից ֆիզիկայի», «գիտական մեթոդի» եւ «ժամանակակից գիտության» հայրը։ Ուսումնասիրել է մեխանիկական շարժման արագությունը եւ արագացումը, գրավիտացիան, մարմինների ազատ անկումը, իներցիան, հարաբերականության սկզբունքը, ինչպես նաեւ աշխատել է կիրառական գիտության մեջ եւ տեխնիկայում, նկարագրել է ճոճանակների եւ «հիդրոստատիկ կշեռքների» հատկությունները։ Իր նվաճումների մեջ մտնում են աստղադիտակի բարելավումները, որով դիտել է տարբեր երկնային մարմիններ, ջերմադիտակի եւ զանազան ռազմական կողմնացույցների հայտնագործումը։ Նրա ներդրումը դիտողական աստղագիտության մեջ ներառում է Վեներայի փուլերի հաստատումը, Յուպիտերի չորս խոշոր արբանյակների հետազոտումը, Սատուրնին հետեւելը եւ արեւաբծերի վերլուծությունը։

-590 թ. փետրվարի 15-ին Պարսկաստանում թագադրվում է Խոսրով II արքան:

-1885 թ. փետրվարի 15-ին ծնվել է Ռուբեն Սեւակը՝ հայ բանաստեղծ, արձակագիր եւ բժիշկ (զոհ.՝ 1915 թ.): 1909 թ. գարնանը, երբ Ադանա քաղաքում երիտթուրքական իշխանությունների կազմակերպած արյունահեղությանը զոհ դարձավ 30 հազար հայ, Ռուբեն Սեւակը եղավ այն ազգային գործիչներից մեկը, ով երիտթուրքական հեղափոխությունից «գինովցածներին» Արշակ Չոպանյանի, Անդրանիկ Օզանյանի, Փարամազի եւ մյուսների նման զգուշացնում էր ահագնացող վտանգի մասին։

-1902 թ. փետրվարի 15-ին ծնվել է Հմայակ Սիրասը՝ հայ գրող (մահ.՝ 1983 թ.)։ Արձակագիր, թարգմանիչ, «Կալեվալա» ընկերության (Ֆինլանդիա) պատվավոր անդամ (1974), ՀԽՍՀ մշակույթի վաստակավոր գործիչ (1968)։ Գրական անուն է ընտրել Հենրիկ Սենկեւիչի «Յո՞ երթաս» վեպի հերոս Սիրասի անունը։ Հայրենական մեծ պատերազմի մասնակից։

-1794 թ. փետրվարի 15-ին Ֆրանսիան ընդունեց իր պետական դրոշը:

-1909 թ. փետրվարի 15-ին Մեքսիկայի Ակապուլկո քաղաքում թատրոնի շենքի հրդեհի զոհ է դառնում 250 մարդ:

-1923 թ. փետրվարի 15-ին Հունաստանը դառնում է Գրիգորյան օրացույցն ընդունած վերջին երկիրը:

-1932 թ. փետրվարի 15-ին տեղի ունեցավ երրորդ ձմեռային Օլիմպիական խաղերի փակումը Լեյք Փլեսիդում (ԱՄՆ):

-1965 թ. փետրվարի 15-ին հաստատվում է Կանադայի ներկայիս դրոշը:

-1976 թ. փետրվարի 15-ին՝ XII ձմեռային Օլիմպիական խաղերի փակումը Ինսբրուքում (Ավստրիա):

-1989 թ. փետրվարի 15-ին Սովետական Միությունը պաշտոնապես հայտարարում է, որ իր բոլոր զորքերը դուրս է բերել Աֆղանստանից:

-1999 թ. փետրվարի 15-ին Քենիայում ձերբակալվում է Քրդական բանվորական կուսակցության առաջնորդ Աբդուլլահ Օջալանը:

-2011 թ. փետրվարի 15-ին Լիբիայում սկսվում է քաղաքացիական պատերազմ: