-1865 թ. փետրվարի 25-ին ծնվել է Անդրանիկ Թորոսի Օզանյանը (Շապին Գարահիսար, Գիրեսունի մարզ, Թուրքիա. օգոստոսի 31, 1927, Չիքո, Բյուտ շրջան, Կալիֆորնիա, ԱՄՆ), նաեւ հայտնի է որպես Զորավար Անդրանիկ, Անդրանիկ փաշա: Հայ զորահրամանատար, պետական գործիչ, ֆիդայապետ (հայդուկապետ)։ Առանձնակի դեր է խաղացել Հայ ազատագրական շարժման գործում։ Մասնակցել է հայրենի երկրի բնակավայրերի պաշտպանությանը։ Անդրանիկն առաջին անգամ անցնում է Սասուն, բայց 1896 թ. մեկնում է արտասահման։ 1897 թ. Վազգեն Տերոյանի խմբի կազմում Անդրանիկը երկրորդ անգամ է մտնում Արեւմտյան Հայաստան, ուր մնում է մինչեւ 1904 թ.։ 1912-1913 թթ. Գարեգին Նժդեհի հետ միասին Անդրանիկի գլխավորությամբ հայ կամավորներից կազմակերպվում է վաշտ, որը մտնում է բուլղարական բանակի աշխարհազորի կազմ եւ մարտնչում Օսմանյան կայսրության բանակի դեմ։ Բուլղարական հրամանատարությունը բարձր գնահատեց հայկական վաշտի մասնակցությունը առաջին Բալկանյան պատերազմին։
-1871 թ. փետրվարի 25-ին ծնվել է Լեսյա Ուկրաինկան՝ ուկրաինացի բանաստեղծուհի, թարգմանչուհի, մշակութային գործիչ (մահ.՝ 1913 թ.):
-1873 թ. փետրվարի 25-ին ծնվել է Էնրիկո Կարուզոն՝ իտալացի երգիչ (մահ.՝ 1921 թ.): Բեմի վրա դեբյուտը կայացել է 1895 թ. մարտի 15-ին Պալերմոյում Պոնկիելլիի «Ջոկոնդա» օպերայում Էնցիոյի դերերգի կատարմամբ։ 1900 թ. բարձրանում է Միլանի «Լա Սկալա» օպերային թատրոնի բեմ Նեմորինոյի դերով (Դոնիցետի «Սիրո ըմպելիք»), 1902 թ. Լոնդոնի Քովենթ-Գարդեն թատրոնում կատարում է Դքսի դերերգը (Վերդի՝ «Ռիգոլետտո»)։ Համաշխարհային փառքի է հասնում Նյու Յորքում՝ «Մետրոպոլիտեն օպերա» թատրոնի բեմի վրա 1903-1920 թթ.։ Երգչի համաշխարհային հռչակի ամրապնդման գործում մեծ դեր են խաղացել իր կյանքի ընթացքում թողարկվող ձայնապնակները։ Կարուզուն ունեցել է յուրահատուկ հնչերանգի ձայն, որի ստորին եւ միջին ռեգիստրի բնական բարիտոնալ հնչումը զուգակցվում էր փայլուն տենորային վերին հնչյունների հետ։ Շնորհիվ իր շնչառության բացառիկ տիրապետման, անբասիր ինտոնացիայի եւ, կարեւորը, բարձր կատարողական մաշկույթի՝ դարձավ 20-րդ դարի երգեցողական արվեստի լեգենդը։
-1909 թ. փետրվարի 25-ին ծնվել է Սերգեյ Սարդարովը՝ ԽՍՀՄ ավիացիայի գեներալ-գնդապետ:
-1959 թ. փետրվարի 25-ին ծնվել է Սամվել Մկրտչյանը՝ թարգմանիչ, խմբագիր:
-1953 թ. փետրվարի 25-ին ծնվել է Լեւոն Մկրտչյանը՝ կինոռեժիսոր, սցենարիստ եւ օպերատոր:
-1958 թ. փետրվարի 25-ին ծնվել է Ավագ Եփրեմյանը՝ բանաստեղծ, թարգմանիչ:
-1904 թ. փետրվարի 25-ին Ակրիի Հանրապետությունը մտավ Բրազիլիայի կազմի մեջ:
