Պատմության հետագծով

-1959 թ. մարտի 5-ին ծնվել է Վազգեն Սարգսյանը՝ Հայաստանի վարչապետ, քաղաքական գործիչ, գրող (վախճ.՝ 1999 թ.)։ ՀՀ առաջին պաշտպանության նախարար (1991-92 եւ 1995-99 թթ.), ՀՀ վարչապետ (1999 թ. հունիսի 11-ից մինչեւ իր սպանությունը՝ նույն թվականի հոկտեմբերի 27-ը)։ Հասարակական-քաղաքական գործունեությունն սկսել է 1988 թ. Արցախյան շարժման ժամանակ, որի նպատակն էր Լեռնային Ղարաբաղի ինքնավար մարզի, Շահումյանի շրջանի եւ Գետաշենի ենթաշրջանի միացումը Խորհրդային Հայաստանին։ Վազգեն Սարգսյանը եղել է Արցախյան ազատամարտի ռազմաքաղաքական հրամանատարներից մեկը։

-1932 թ. մարտի 5-ին ծնվել է Հենրիկ Իգիթյանը՝ հայ նկարիչ, արվեստաբան, ՀԽՍՀ արվեստի վաստակավոր գործիչ (մահ.՝ 2009 թ.)։

-1962 թ. մարտի 5-ին ծնվել է Սիմոն Աբգարյանը՝ ֆրանսահայ դերասան։ Դպրոցում ֆրանսերեն եւ հայերեն է սովորել, ամերիկյան ֆիլմերից էլ՝ անգլերեն։ 9 տարեկանում ծնողների հետ մեկնել է Բեյրութ։ Մինչեւ 1977 թ. ապրել է Լիբանանում։ Բեյրութի «Լոռի» պարային համույթում պարել է սովորել։ 1977 թ. Աբգարյանի հայրը Լիբանանում պատերազմելու է գնում, եւ 15 տարեկան Սիմոնը մոր հետ վերադառնում է Փարիզ։ Մի քանի տարի անց տեղափոխվում է Նյու Յորք եւ սկսում նորից պարել։ 1983-1985 թթ. դերասանական արվեստ է սովորում եւ միանում «Արտավազդ» թատերական ընկերությանը։ 1985 թ. վերադառնում է Փարիզ եւ 8 տարի համագործակցում «du Soleil» (Դյու Սոլեյ) թատրոնի տնօրեն Արիանա Մնուշկինայի հետ։ Հելլենե Սիսյուի «L’Indiade» (Ինդիադա) պիեսի բեմադրության մեջ խաղացել է երեք պարսիկի դեր (Հաթիբայ Սեն, Հայաթ խան եւ Գյաֆար խան)։ Սկսում է խաղալ հունական կատակերգություններում եւ մեծ ճանաչում է ձեռք բերում։ 2001 թ. մրցանակի է արժանանում ֆրանսիական թատրոնի կողմից «Հրեշը լուսնի վրա» ներկայացման համար։ 1993 թ. Սիմոն Աբգարյանը կնոջ՝ դերասանուհի եւ ռեժիսոր Կատրին Շաուբի հետ Փարիզում հիմնում է իր թատրոնը՝ «T.E.R.A.»-ն (Theatre Espace Recherche Acteur)։ 2006 թ. նրան մեծ հաջողություն է բերում «Կազինո Ռոյալ»» ֆիլմը, որտեղ հանդես է գալիս Ալեքս Դիմիտրոսի դերում։ Աբգարյանի մասնակցությամբ առավել հայտնի ֆիլմերից են «Արամը», «Արարատը» եւ այլն։ 2020 թ. լավագույն ռեժիսուրայի համար արժանացել է ֆրանսիական ամենահեղինակավոր թատերական «Մոլիեր» մրցանակին։

-1909 թ. մարտի 5-ին մահացել է Ջիվանին՝ հայ նշանավոր աշուղ (ծնվ.՝ 1846 թ.)։ Նրա ստեղծագործություններից մեր օրեր է հասել մոտ 800 երգ։ Իր խմբով ունեցել է բազմաթիվ երաժշտական շրջագայություններ, հանդես է եկել Ռուսական կայսրության տարբեր վայրերում (ներկայիս Հայաստանի, Վրաստանի եւ Ռուսաստանի քաղաքներում)։ Մասնակցություն է ունեցել նաեւ հայ ժողովրդի ազատագրական պայքարին, որի համար ենթարկվել է հետապնդումների, նրա ելույթները երբեմն արգելվել են, բռնագրավել են նվագարանը։ Երեւանում գործում է Ջիվանու անվան աշուղական արվեստի դպրոց, նրա անունով փողոցներ են կոչվել Երեւանում, Գյումրիում եւ այլուր։

-1953 թ. մարտի 5-ին մահացել է Սերգեյ Պրոկոֆեւը՝ ռուս կոմպոզիտոր եւ դաշնակահար (ծնվ.՝1891 թ.):

-2013 թ. մարտի 5-ին մահացել է Ուգո Չավեսը՝ Վենեսուելայի նախագահ (ծնվ.՝ 1954 թ.):

-1933 թ. մարտի 5-ին Ադոլֆ Հիտլերի նացիստական կուսակցությունը Ռայխսթագի ընտրություններում հավաքում է ձայների 43.9 տոկոսը:

-1940 թ. մարտի 5-ին սովետական ղեկավարությունն արձակում է 25700 լեհական մտավորականների կոտորած իրականացնելու հրաման:

-1979 թ. մարտի 5-ին ամերիկյան «Վոյաջեր-1» տիեզերանավը կատարում է Յուպիտերի առավելագույն մոտեցումը:

-1133 թ. մարտի 5-ին ծնվել է Հենրի 2-րդ Պլանտագենետը՝ Անգլիայի թագավոր (մահ.՝ 1189 թ.):

-1854 թ. մարտի 5-ին ծնվել է Ռութ Բելվիլը՝ լոնդոնցի կին գործարար, որն իր հաճախորդներին ժամանակ էր վաճառում։

-1871 թ. մարտի 5-ին ծնվել է Ռոզա Լուքսեմբուրգը՝ ծագումով հրեա գերմ. տնտեսագետ եւ փիլիսոփա (մահ.՝ 1919 թ.):

-1953 թ. մարտի 5-ին մահացել է Իոսիֆ Ստալինը՝ ԽՍՀՄ երկրորդ ղեկավարը (ծնվ.՝1879 թ.):