-1666 թ. մարտի 11-ին Ամստերդամում սկսվեց առաջին հայերեն Աստվածաշնչի տպագրությունը:
-1898 թ. մարտի 11-ին մահացել է Տիգրան Չուխաճյանը՝ հայ կոմպոզիտոր, դիրիժոր, մշակութային-հասարակական գործիչ, հայ ազգային օպերային արվեստի հիմնադիր (ծնվ.՝ 1837 թ.)։ Ի շարս հայ առաջադեմ մյուս մտավորականության, պայքարել է հանուն հայ ազգային մշակույթի զարգացման, մասնակցություն է ունեցել հայկական ազգային երաժշտական մամուլի, երգչախմբերի, երաժշտական թատրոնների ձեւավորման գործում, կարդացել է դասախոսություններ։ Չուխաջյանի ստեղծագործություններում համադրված են արեւմտահայ քաղաքային երաժշտության եւ արեւմտյան դասական երաշտության ձեւերը։ Հեղինակ է դաշնամուրային ստեղծագործությունների, կամերային եւ սիմֆոնիկ գործերի, գրել է նաեւ ստեղծագործություններ թատերական ներկայացումների համար։ Չուխաջյանը հեղինակել է հայկական ազգային դասական առաջին օպերան՝ «Արշակ Բ» (1868), «Զեմիրե» օպերա-հեքիաթապատումը, «Լեբլեբիջի Հոր-հոր աղա» (1875), «Արիֆի խորամանկությունը» (1872), «Քյոսե Քեհյա» (1873) օպերետները։
-1965 թ. մարտի 11-ին մահացել է Գեւորգ Աբովը՝ հայ բանաստեղծ, արձակագիր, թարգմանիչ, գրականագետ (ծնվ.՝ 1897 թ.):
-1851 թ. մարտի 11-ին կայացավ Ջուզեպպե Վերդիի «Ռիգոլետտո» օպերայի առաջին ցուցադրությունը Վենետիկում:
-1978 թ. մարտի 11-ին Երեւանում կայացավ «Զինվորն ու փիղը» ֆիլմի առաջին ցուցադրությունը:
-1921 թ. մարտի 11-ին ծնվել է Աստոր Պիացոլան՝ արգենտինացի կոմպոզիտոր (մահ.՝ 1992 թ.):
-2006 թ. մարտի 11-ին մահացել է Սլոբոդան Միլոշեւիչը՝ Հարավսլավիայի նախագահ (ծնվ.՝ 1941 թ.):
