* «Ըստ ապրանքային սակավության սկզբունքի՝ մարդիկ առավել մեծ չափով են գնահատում այն, ինչն առավել դժվար հասանելի է: Այս սկզբունքը հաճախ է օգտավետ գործածվում զիջողականության հասնելու մեթոդներում, օրինակ երբ սահմանափակ է ներկայացվում առաջարկի քանակը կամ էլ ձեռբերման վերջին ժամկետը. դրանց միջոցով «զիջողականության արհեստավարժները» ջանում են մեզ համոզել, որ իրենց առաջարկությունը խստիվ սահմանափակ է» (Ռոբերտ Չալդինի):
* «Ով իր յաջողութիւնը սպասէ ուրիշէն, թէ իսկ այդ ուրիշը ըլլայ Աստուած, իր մեջ պիտի սպաննէ ամէնէն արու բնազդը ինքնավստահութեան» (Նարպէյ Քարաճեան):
* «Եթե ասվի, թե լավ առաջնորդ կարող է դառնալ ամեն ոք եւ, միեւնույն ժամանակ, ոչ ոք, նման արտահայտությունը կարող է հակասական թվալ, սակայն դա իմաստ է ստանում հետեւյալ համա-տեքստում. ամեն ոք կարող է լինել լավ առաջնորդ որոշակի իրավիճակում, բայց ոչ ոք չի կարող մշտապես լինել լավ առաջնորդ (Իցհակ Ադիզես)»:
* «Հաճախորդին սպասարկելու փոքր-ինչ կատարելագործված մոտեցումը կարող է դառնալ ձեր ֆինանսական հաջողության գրավականը: Երբեք մի դադարեք փնտրել այլ մանրուքներ, որոնք ավելի հաճելի կդարձնեն ձեր հաճախորդի գնումները: Այսօր նրանք, ավելի քան երբեւէ, գնահատում են սպասարկման արագությունը: Ամեն անգամ, երբ հաճախորդը ինչ-որ բան է խնդրում, դուք պետք է պատասխանեք. «Իհարկե, հենց այս րոպեին»: Դա ամենահաճելի խոսքն է, որ կարող են լսել ձեր հաճախորդները» (Բրայան Թրեյսի):
* «Մեր կարգախոսը՝ «ավելի քիչ վարչարարական ոգի գործարար կյանքում եւ ավելի շատ գործարար ոգի վարչարարարության մեջ» շատ լավն է ոչ միայն այն պատճառով, որ օգտակար է ե՛ւ գործերի մեջ, ե՛ւ պետության կառավարման մեջ, այլեւ որովհետեւ օգտակար է ժողովրդին: Միացյալ Նահանգները չի ստեղծվել գործարար նկատառումներով: Անկախության հռչակումը առեւտրային փաստաթուղթ չէ, իսկ Միացյալ Նահանգների սահմանադրությունը ապրանքների հավաքածու չէ: Միացյալ Նահանգները՝ երկիրը, կառավարությունը եւ տնտեսական կյանքը միայն միջոց են ժողովրդի կյանքին արժեք հաղորդելու համար: Կառավարությունը ժողովրդի ծառան է եւ մշտապես պետք է մնա որպես այդպիսին» (Հենրի Ֆորդ):
* «Արդարացիությունը մարդիկ զգում են: Աշխատողներին չեք խաբի սուտումուտ գեղեցիկ պաշտոններով, մարդկանց «գործընկեր» անվանելով, ոգեշնչող, կայտառացնող հավաքույթներով կամ յոթանասուներորդ հոբելյանական տարեդարձին ուժի մեջ մտնող եկամտի բաժանման ոլոր-մոլոր ծրագրերով» (Փոլ Հոքեն):
* «Մարդկանց եւ իրադարձությունների վրա մեր իշխանության բացակայության զգացողությունը մեզ համար սովորաբար անտանելի է, եւ անզորությունը ստիպում է մեզ դժբախտ զգալ: Ոչ ոք չի ձգտում այն բանին, որ ավելի քիչ իշխանություն ունենա. ամեն ոք ձգտում է ավելի մեծ իշխանության: Բայց չա-փազանց իշխանատենչությունը, իշխանության բացահայտ ձգտումը ժամանակակից աշխարհում այնքան էլ անվտանգ չեն: Մենք հարկադրված ենք ձեւանալ օրինավոր, ազնիվ ու համեստ» (Ռոբերտ Գրին):
* «Ես համոզված եմ, որ անհաջողությունները ճանապարհ են բացում դեպի հաջողություն….Մի մոռացեք, որ Հենրի Ֆորդը հինգ անգամ սնանկացավ մինչեւ որ ծնվեց «Ford Motor» ընկերությունը: Թոմաս Էդիսոնն ավելի քան տասը հազար ձախողում է ապրել, մինչեւ որ հայտնաբերել է շիկացման լամպը եւ ստեղծել «General Electric» ընկերությունը: Գործարարության աշխարհում մարդու այն խիզախությունը, որով նա պատրաստ է ընկնելու այնքան ժամանակ, մինչեւ հասնի հաղթանակի, կոչվում է «ձեռներեցության ոգի»» (Ռոբերտ Կիյոսակի):
