«Բաղդասարը բաժանվում է կնոջից»՝ 1976 թ. «Հայֆիլմ» կինոստուդիայում նկարահանված հայկական ֆիլմ։ Նկարահանվել է Հակոբ Պարոնյանի «Պաղտասար աղբար» պիեսի մոտիվներով։ Ֆիլմը պատմում է, թե ինչպես Բաղդասարը, իմանալով կնոջ դավաճանության մասին, փորձում է բաժանվել նրանից։ Բայց միջավայրի կեղծավոր եւ երկերեսանի մարդիկ այնպիսի վիճակի մեջ են դնում նրան, որ ինքն է ստիպված հեռանում սեփական տնից։ Գործողությունները ծավալվում են դարասկզբին, Պոլսում։
Սցենարի հեղինակ՝ Աղասի Այվազյան, ռեժիսորներ՝ Գրիգոր Մելիք-Ավագյան, Ռ. Նազարյան:
Դերերում.
-Բաղդասար՝ Մհեր Մկրտչյան
-Անուշ՝ Լաուրա Վարդանյան
-Կիպար՝ Ալեքսանդր Խաչատրյան
-Օգսեն՝ Ռաֆայել Քոթանջյան
-Սալոմե՝ Անահիտ Թոփչյան
-դատավորներ՝ Կարեն Ջանիբեկյան, Էդգար Էլբակյան, Ս. Հարությունյան
Երգում են Զառա Տոնիկյանը, Էլվինա Մակարյանը, Արա Բաբաջանյանը, Գեորգի Մինասյանը, Մ. Մկրտչյանը, Հայկական խմբերգային ընկերության վոկալ համույթը։
Պարում են Հայաստանի պարի պետական անսամբլի եւ Ալեքսանդր Սպենդիարյանի անվան օպերայի եւ բալետի պետական թատրոնի մենակատարները։ Երաժշտությունը կատարում են ԽՍՀՄ Պետկինոյի նվագախումբը եւ Հայաստանի ռադիոյի եւ հեռուստատեսության էստրադային նվագախումբը, դիրիժոր՝ Մելիք Մավիսակալյան։ Երգերի տեքստը՝ Ա. Սահակյանի: Պարերի բեմադրությունը՝ Վանուշ Խանամիրյանի:
