-1899 թ. մայիսի 17-ին ծնվել է Անիտա Կոնտին, ի ծնե՝ Քարաքոչյան, ազգությամբ հայ, ֆրանսիացի բնախույզ, աշխարհում առաջին կին օվկիանոսագետ, լուսանկարիչ։
-1904 թ. մայիսի 17-ին ծնվել է Ժան Գաբենը՝ ֆրանսիացի թատրոնի եւ կինոյի հայտնի դերասան, «Պատվավոր լեգեոնի» շքանշանակիր։
-1917 թ. մայիսի 17-ին ծնվել է Անդրանիկ Մանուկյանը՝ Խորհրդային Միության հերոս (փետրվարի 27, 1945), գվարդիայի կապիտան։
-1946 թ. մայիսի 17-ին ծնվել է Գալինա Ստարավոյտովան՝ ռուս քաղաքական եւ պետական գործիչ, միջազգային հարաբերությունների մասնագետ, իրավապաշտպան, պատմական գիտությունների թեկնածու։
-1978 թ. մայիսի 17-ին մահացել է Արմին Վեգները՝ գերմանացի բանաստեղծ, լրագրող, հրապարակախոս, իրավագիտության դոկտոր։ Առաջին համաշխարհային պատերազմի ընթացքում ծառայել է Օսմանյան կայսրությունում տեղակայված գերմանական ստորաբաժանումներում, եղել է սանիտարական ծառայության սպա։ Հայոց ցեղասպանության ականատես։ 1918 թ. վերադարձել է Գերմանիա՝ իր հետ տանելով հայկական կոտորածների բազմաթիվ լուսանկարներ։ 1919 թ. հրատարակել է ի պաշտպանություն հայերի իր բաց նամակը ԱՄՆ նախագահ Վուդրո Վիլսոնին, որը թարգմանվել է ֆրանսերեն, անգլերեն, իտալերեն, իսպաներեն եւ այլ լեզուներով։ Վեգները գրի է առել իր տեսածն ու ապրածը եւ լուսանկարների հետ մեկտեղ ուղարկել Գերմանիա՝ առանձին մարդկանց ու մամուլին։ Սակայն դրանք չեն հրապարակվել։ Հետագայում այդ նամակները եւ նույն շրջանում գրած այլ նյութեր ամփոփվել են նրա «Անվերադարձ ճանապարհ» (1919) գրքում։
