Պատմության հետագծով

-1799 թ. մայիսի 18-ին մահացել է Պիեռ Բոմարշեն՝ ֆրանսիացի նշանավոր թատերգակ եւ հրապարակախոս (ծնվ.՝ 1732 թ.)։

-1897 թ. մայիսի 18-ին ծնվել է Գուրգեն Ջանիբեկյանը՝ հայ խորհրդային թատրոնի եւ կինոյի դերասան, ԽՍՀՄ ժողովրդական արտիստ (1967), ԽՍՀՄ Պետական մրցանակի դափնեկիր (1952)։ Նրա արվեստին բնորոշ էին համառ ու անկոտրում բնավորությամբ կերպարների սոցիալ-կենցաղային ճշգրիտ ու ցայտուն վերարտադրությունը, կատարման հրաշալի տեխնիկան. «հակառակորդ» դերերի լավագույն մեկնաբաններից էր (վախճ.՝ 1978 թ.):

-1897 թ. մայիսի 18-ին ծնվել է Ֆրենկ Կապրան՝ ամերիկացի ռեժիսոր (վախճ.՝ 1991 թ.):

-1920 թ. մայիսի 18-ին ծնվել է Հովհաննես Պողոս 2-րդը՝ Հռոմի պապ (վախճ.՝ 2005 թ.):

-1981 թ. մայիսի 18-ին մահացել է Վիլյամ Սարոյանը: Ծնվել է Ֆրեզնոյում (ԱՄՆ, Կալիֆորնիա), Բիթլիսից գաղթած հայ ընտանիքում։ Գրողի ձեւավորման մեջ մեծ դեր են խաղացել ինքնակրթությունը, ամերիկյան ու համաշխարհային գրականության ընթերցումը, հարազատ ժողովրդի հոգեւոր մշակույթի, ավանդույթների, պատմության տարրերի ժառանգումը, հայկական շրջապատի ազգային ինքնատիպությունը (ծնվ.՝ 1908 թ.):

-1992 թ. մայիսի 18-ին Արցախի պաշտպանության բանակն ազատագրեց Քաշաթաղի շրջանի Բերձոր քաղաքը եւ Բերձորի միջանցքը։