-1857 թ. մայիսի 25-ին ծնվել է Սիրանույշը՝ դերասանուհի, հայ բեմի տաղանդավոր դեմքերից եւ հայ թատերական մշակույթի գագաթներից մեկը։ Հանդես է եկել Պոլսի, Թիֆլիսի, Բաքվի դերասանական խմբերի հետ, խաղացել շուրջ 300 դեր, որոնց գլուխգործոցը եղել է Համլետի դերը Շեքսպիրի նույնանուն ողբերգությունից։
-1910 թ. մայիսի 25-ին ծնվել է Խաչիկ Դաշտենցը՝ հայ խորհրդային գրող, բանաստեղծ, արձակագիր, թարգմանիչ, բանասեր։ ՀԽՍՀ մշակույթի վաստակավոր գործիչ (1967): Բանասիրական գիտությունների թեկնածու։ Դաշտենց գրական անունը ստացել է հայրենի Դաշտադեմ գյուղի անունից։
-1951 թ. մայիսի 25-ին ծնվել է Վաչագան Ա. Սարգսյանը՝ գրող եւ թարգմանիչ:
-1968 թ. մայիսի 25-ին ծնվել է Ռուբեն Վարդանյանը՝ ռուսաստանցի հայազգի գործարար:
-1968 թ. մայիսի 25-ին տեղի է ունեցել Սարդարապատի ճակատամարտին նվիրված հուշարձանի բացումը:
