Սանկտ Պետերբուրգում իրավաբանական անձին առաջին անգամ շնորհվել է «Պատվավոր բարերար» կոչում։ Այս պատվին արժանացել է Հրաչյա Պողոսյանի անվան բարեգործական հիմնադրամը։ Ապրիլի 13-ին տեղի ունեցած օրենսդիր ժողովի նիստի ընթացքում կոչումը շնորհելու մասին հայտարարել է խորհրդարանի նախագահ Ալեքսանդր Բելսկին։ Նա հիշեցրել է, որ Ռուսաստանում ապրիլի 13-ը նշվում է որպես Հովանավորների եւ բարերարների օր։
«Հրաչյա Պողոսյան» հիմնադրամը զբաղվում է հուշահամալիրների բացումով, ինչպես նաեւ ակտիվորեն աջակցում է երեխաների հայրենասիրական դաստիարակությանը միտված հասարակական նախաձեռնություններին, ինչը պատգամավորները բավական բարձր են գնահատել քվեարկելիս։ Կոչումը շնորհելու օգտին քվեարկել են 40 պատգամավոր, դեմ են քվեարկել երկուսը, մեկը ձեռնպահ է մնացել:
Այսպիսով, հիմնադրամը շարունակում է իր բարեգործական նախաձեռնություններն իրականություն դարձնել եւ, բացի հուշահամալիրներ տեղադրելուց, զբաղվել նաեւ տարբեր ընտանիքների օգնելու հարցերով:
