Փառք տվեք Աստծուն եւ աղոթեք, որ Նրա կամքը քո ամուսնու համար երաշխավորված լինի քո օգտակար աշխատանքով՝ որպես նրա կողակից։ Ստորեւ կբերենք մի քանի հզոր աղոթք, որոնցով դու պետք է զինես ձեր միությունը Աստծո Խոսքով եւ աջակցես ամուսնուդ՝ որպես քո հոգեւոր առաջնորդ։ Բավարարվածությունը միայն Աստծով է։
Ես փառաբանում եմ Քեզ, ամենայն իմաստնության Աստծուն։ Գոհանում եմ Քեզանից, Տեր, քանզի Դու ինձնից լավ գիտես ամուսնուս ցանկությունները։ Դո՛ւ գիտես, թե ինչպես են այդ ցանկություններն ազդում նրա որոշումների վրա, իսկ որոշումները՝ մեր ամուսնական կյանքի վրա։
Դու Աստված ես, Ով բավարարում է ծարավ հոգին։ Դու լցնում ես սոված հոգին բարությամբ։ Ահա, մեր սրտերն ու հոգիները բարձրացնում եմ առ Քեզ, Տեր, եւ խնդրում լցնել դրանք բարությամբ, որի կարիքը, ինչպես Դու գիտես, մենք շատ ունենք.
«Թող գոհանան Տէրիցը նորա ողորմութեան համար, եւ նորա հրաշքների համար, որ արաւ մարդկանց որդիներին.
Որ նա կշտացնում է կարօտած անձին, եւ լցնում է սոված անձը բարութիւնով»: Սաղմոս 107։8-9
«Արդ նորանց մի նմանիք. որովհետեւ ձեր Հայրը գիտէ, թէ ի՞նչ բաներ պէտք են ձեզ, ձեր նորանից խնդրելուցն առաջ։ Արդ դուք այսպէս աղօթք արէք»։ Մատթեոս 6։8-9
Աշխարհն այնքան շատ բան է առաջարկում, որպեսզի ժամանակավորապես բավարարի նրա պահանջմունքները։ Չափից շատ են գայթակղությունները, բայց Դու ես նրա վահանն ու Պաշտպանը։ Խնդրում եմ, սովորեցրու նրան դիմադրելու սատանային։ Աստված է իմ ուժն ու պաշտպանը, իմ սիրտը Նրան է հուսացած.
«Տէրն է իմ զօրութիւնը եւ իմ վահանը. իմ սիրտը նորան է յուսացել, եւ նա ինձ օգնութիւն եղաւ. իմ սիրտը ցնծում է, եւ ես իմ օրհնութիւնովը փառաբանում եմ նորան»։ Սաղմոս 28։7
«Արդ հնազանդեցէք Աստուծուն, հակառակ կացէք սատանային, եւ նա կփախչի ձեզանից։ Մօտեցեք Աստուծուն, եւ նա կմօտենայ ձեզ։ Սրբեցէք ձեր ձեռքերը, ով մեղաւորներ, եւ ձեր սրտերը մաքրեցէք, ով երկմիտներ»։ Հակոբոս 4։7-8
Ես ուրախանում եմ, որ Դու հաղթանակ տարար սատանայի բոլոր ծրագրերի նկատմամբ։ Դու ես իմ ամոքիչը եւ նրա հոգու վերափոխիչը։
Աստվածավախությունը կյանքի ճանապարհ է, որը հեռու է պահում չարիքից.
«Տիրոջ երկիւղը դէպի կեանք է տանում. եւ մարդս նորանով կուշտ կպառկէ առանց չարիքի հանդիպելու»։ Առակաց 19։23
Անահիտ ԲԱՆՈՒՉՅԱՆ
