Ոչ մի արդյունք
Կարդալ ամբողջը
ԱՐԽԻՎ
Հայաստանի Հանրապետություն
Հինգշաբթի, Մայիսի 15, 2025
  • Հանրապետություն
  • Միջազգային
  • Սոցիում
  • Սփյուռք
  • Հոգեւոր
  • Մշակույթ
  • Այլք
Հայաստանի Հանրապետություն
  • Հանրապետություն
  • Միջազգային
  • Սոցիում
  • Սփյուռք
  • Հոգեւոր
  • Մշակույթ
  • Այլք
Ոչ մի արդյունք
Կարդալ ամբողջը
Հայաստանի Հանրապետություն
Ոչ մի արդյունք
Կարդալ ամբողջը
Գլխավոր Սփյուռք

Խմբագրական. Բանակը` Վերհամայնքային Եզակի Հաստատութիւնը

Օգոստոսի 4, 2021
Սփյուռք
Խմբագրական. Բանակը` Վերհամայնքային Եզակի Հաստատութիւնը
1
ԿԻՍՎԵԼ ԵՆ
75
ԴԻՏՈՒՄ
Share on FacebookShare on Twitter

Տօնական արարողութիւններով պիտի չյատկանշուէր  բանակի հերթական օրը: Ո՛չ միայն համավարակի, այլ նաեւ երկրի տնտեսական, ընկերային եւ քաղաքական անորոշութեան պատճառներով: Երէկ կ՛աւելնար նաեւ ապահովական բաժինը, երբ Խալտէի մէջ կ՛արձանագրուէր անկանխատեսելի հետեւանքներ թելադրող բախումներու, սպանութիւններու շարք մը:

Լիբանանեան բանակը կ՛ընկալուի իբրեւ վերհամայնքային եզակի կառոյց, որ պետական հաստատութիւններու անդամալուծումով յատկանշուող վերջին շրջանին կը շարունակէ կատարել իր գործառոյթները, երկրի ու պետութեան ապահովութիւնը գերադասելով եւ պահպանելով բրգաձեւ կառոյցի կարգը, կանոնն ու կուռ միասնականութիւնը:

Բանակի հեղինակութեան պահպանման այս իրականութիւնը լիբանանցի քաղաքացիին մօտ վառ պահած է վստահութեան զգացումը, բանակէն ակնկալութիւններ ունենալու հոգեբանութիւնը եւ ամէնէն բարդ հանգոյցներուն ձեւաւորման պահուն` բանակին նայելու եւ այնտեղէն լուծում սպասելու համոզումը:

Ներքին այս ապահովութիւնը համալրուած է նաեւ արտաքին վստահելիութեան գործօնով: Այս երկրորդ ուղղութիւնը հաւանաբար քաղաքական շարժառիթներ ունի եւ վերահսկելի քաոսի գործընթացները կարմիր գիծերէն ասդին պահելու կը ծառայէ: Ի վերջոյ զսպիչ  զինեալ ուժեր պիտի շարունակեն կայացած մնալ եւ ապահովական միջադէպերու բռնկման պարագային կայունութիւնն ու խաղաղութիւնը վերադարձնել:

Լիբանանեան բանակը սակայն այն հաստատութիւնն է, որ ժամանակի ընթացքին վերափոխած է իր գործառոյթները: Անընդհատ համալրելով նոր լիազօրութիւններ եւ իրաւասութիւններ, լեցուցած է իրաւապահ մարմիններուն ստեղծած բացերը: Վերջերս նաեւ վարչական գործառոյթներ իրականացնող որոշ նախարարութիւններու գործառոյթները:

Բանակները միջազգային օրինաչափութեամբ կը հսկեն երկիրներու սահմաններուն եւ կը կանխարգիլեն արտաքին ոտնձգութիւնները տարածքային ամբողջականութիւններու խախտման փորձերու պարագային: Մնացեալը, ներքին առումով`  պարտականութիւնն է ներքին ուժերու, ոստիկանութեանց եւ իրաւապահ մարմիններու տարբեր բաժանմունքներուն եւ ծառայութիւններուն:

Լիբանանեան բանակը ամէնուր է եւ իրաւամբ կը լրացնէ ներքին այդ բացը: Սակայն այդ բացերը չեն վերաբերիր միայն ներլիբանանեան ապահովական խնդիրներու:

4 օգոստոսի ահաւոր պայթումը գործեց հսկայածաւալ աւեր, մարդկային զոհերու առընթեր քանդելով բնակարաններ եւ վաճառատուներ ու համայնքային կեդրոններ եւ հաստատութիւններ: Այս անգամ լիբանանեան բանակը ստանձնեց աւերի տարողութեան գնահատումը, այդ գնահատումի հիման վրայ նաեւ կատարուող ոչ լիբանանեան աղբիւրներու յատկացումներու ստանձնման եւ բաշխման պարտականութիւնները:

Եթէ մէկ կողմէ ակներեւ կը դառնար, որ լիբանանեան բանակը իր գործառոյթներէն դուրս կը ստանձնէ վարչակառավարման եւ օժանդակութիւններու աշխատանքներ, միւս կողմէ պարզ կը դառնար, որ արտաքին քաղաքականութիւն կայ գործող կառավարութիւնը շրջանցելով զինուորական բաժանմունքին վստահելու եւ այդ վստահելիութիւնը համալիբանանեան գիտակցութեան փոխանցելու:

Լիբանանեան բանակը ներքին հեղինակութեան առընթեր, թէկուզ որոշ քաղաքականացուած մօտեցումի շարժառիթով, կը ստանար նաեւ միջազգային հեղինակութիւն: Այդ հեղինակութեան կուտակումը լիբանանեան քաղաքական աւանդական խաւի հեղինակազրկումի նոյն միջազգային քաղաքականութիւնը կ՛ենթադրէր, եւ այստեղ բանակը պարզապէս այդ շրջանցումը կատարելու համար  նկատի առնուած հասցէական հաստատութիւն էր:

Թշնամի հարեւան ունեցող երկիրներու բանակները ընդհանրապէս թէ՛ ժամկէտային եւ թէ՛ պայմանագրային դրութիւնները որդեգրած կ՛ըլլան  բանակայիններու թիւերը բազմապատկելու համար: Լիբանանեան բանակը հիմնուած է պայմանագրային ծառայութեան հիմունքի վրայ: Պայմանագրայինը արհեստավարժութեան նպաստող համակարգ է: Եւ իրաւամբ լիբանանեան բանակը  կը գործէ արհեստավարժ կատարողականութեամբ: Ներկայ անորոշ պայմաններուն մէջ, սադրանքներու մնայուն միջադէպերու լոյսին ներքոյ կը մերժէ ներքաշուիլ այս կամ այն հատուածի թելադրութեան, կը պահէ միջհամայնքային հաւասարակշռուածութիւնը, կը միջամտէ տեղին, կը զսպէ թէժացած եւ զինեալ բախումներով յատկանշուող իրավիճակները, կը վերահաստատէ կայունութիւն եւ զինադուլ` խնդրոյ առարկայ տարածքը անմիջապէս առնելով վերահսկողութեան տակ:

Լիբանանեան ապահովական դրուածքը բարդ է: Միջադէպերը ցոյց կու տան, որ զինուած են այս կամ այն համայնքին մէջ դերակատարութիւն ստանձնած ուժեր. համայնք-շրջան տիրոյթներու մէջ զինեալ ներկայութիւնները կ՛աշխուժանան շատ արագ, երբ նման պահեր ստեղծուին:

Բանակը ուրեմն, բաղկացած ըլլալով բոլոր համայնքներէն, բոլոր համայնքներուն միջեւ պիտի ունենայ զինուորական միջամտութեամբ զէնքերը լռեցնելու հիմնական գործառոյթ:

Հակաահաբեկչական գործողութիւններ կատարելու փայլուն օրինակներէն մինչեւ ներքին բախումներու զսպում, մինչեւ քաղաքացիական անհնազանդութեան դէպքերու վերահսկողութեան տակ առնելու բազմաթիւ փաստեր, միջհամայնքային սադրանքներ կանխարգիլելու վճռորոշ միջամտութիւններէն մինչեւ բոլոր առումներով  վիրաւոր քաղաքացիներու ընկերային օժանդակութիւններու տրամադրում` լիբանանեան բանակը կը շարունակէ պատուով կատարել իրեն վստահուած թէ ինքնաստանձնած դերերը` այսքան անորոշ իրավիճակին մէջ փարոսի նման կանգուն մնալով իբրեւ վերականգնումի ուղի ցոյց տուող, հեղինակութիւն վաստկած հաստատութիւն:

Aztagdaily.com

Թեգեր: բանակՍփյուռք
ԿիսվելTweetԿիսվել
 Հայաստանի Հանրապետություն

 Հայաստանի Հանրապետություն

Նույնատիպ Հոդվածներ

Քառալեզու բառարանի շնորհանդես Վալենսիայում

Քառալեզու բառարանի շնորհանդես Վալենսիայում

Մայիսի 29, 2023
Ամեակին արժեւորումը

«Ունեցածդ ամուր բռնէ…»

Մայիսի 27, 2023

Անմնացորդ նվիրումը պատասխան է պահանջում

Սխրանքների տարեգիրները

Անցյալին նայելով՝ պետք է կերտենք ապագան

«Հայաստանի օրերը» Կրասնոդարի երկրամասում

«Հաղթանակի ժառանգությունը հզոր բարոյական ռեսուրս է»

Հայուն անխախտ առաքելութիւնը

Հաջորդ Հոդվածը
Քոնկրեսական Քլարք Ազրպէյճանը Կը Յորդորէ Անյապաղ Հեռանալու Հայաստանի Տարածքէն Եւ Դադրեցնելու Բռնութիւնը

Քոնկրեսական Քլարք Ազրպէյճանը Կը Յորդորէ Անյապաղ Հեռանալու Հայաստանի Տարածքէն Եւ Դադրեցնելու Բռնութիւնը

Ամենայն Հայոց Կաթողիկոսը նոր նշանակումներ է կատարել

Ամենայն Հայոց Կաթողիկոսը նոր նշանակումներ է կատարել

Ամենաընթերցվածը

  • Ինչպես հաշվարկել գումարի չափը

    Ինչպես հաշվարկել գումարի չափը

    125 Կիսվել են
    Կիսվել 50 Tweet 31
  • Աստվածաշնչյան կարճ առակներ

    298 Կիսվել են
    Կիսվել 119 Tweet 75
  • Ինչ իրավունքներ ունեն հղիներն ու մինչեւ 3 տարեկան երեխա խնամող աշխատողները

    426 Կիսվել են
    Կիսվել 170 Tweet 107
  • Հայ-քրդական համագործակցության հեռանկարները

    15 Կիսվել են
    Կիսվել 6 Tweet 4
  • Հայրենական պատերազմի հայ վետերանները

    8 Կիսվել են
    Կիսվել 3 Tweet 2

Սոցցանցեր

Ցանկ

  • Հանրապետություն
  • Միջազգային
  • Սոցիում
  • Սփյուռք
  • Հոգեւոր
  • Մշակույթ
  • Այլք

Օգտակար Հղումներ

  • Armenpress
  • Armenpress | History
  • Республика Армения
  • Պատմություն
  • Հեղինակներ

Մեր Մասին

Հայաստանի Հանրապետություն՚ օրաթերթը ստեղծվել է 1990 թ.

Ներկայում օրաթերթը հրատարակվում է «Արմենպրես» լրատվական գործակալության կողմից:

 

Հասցե՝ Հայաստանի Հանրապետություն, ք. Երեւան, Արշակունյաց պող. 4, 13-14-րդ հարկեր Հեռ.՝ + (374 10) 52-57-56, Էլ-փոստ՝ [email protected]: Գովազդի համար`+(374 10) 52-69-74, +(374 96) 45-19-38, Էլ-փոստ՝ [email protected]

Ոչ մի արդյունք
Կարդալ ամբողջը
  • Հանրապետություն
  • Միջազգային
  • Սոցիում
  • Սփյուռք
  • Հոգեւոր
  • Մշակույթ
  • Այլք

Հասցե՝ Հայաստանի Հանրապետություն, ք. Երեւան, Արշակունյաց պող. 4, 13-14-րդ հարկեր Հեռ.՝ + (374 10) 52-57-56, Էլ-փոստ՝ [email protected]: Գովազդի համար`+(374 10) 52-69-74, +(374 96) 45-19-38, Էլ-փոստ՝ [email protected]

Welcome Back!

Login to your account below

Forgotten Password?

Create New Account!

Fill the forms bellow to register

All fields are required. Log In

Retrieve your password

Please enter your username or email address to reset your password.

Log In

Add New Playlist