Անագ (լատ.՝ Stannum), քիմիական նշանը՝ Sn (կարդացվում է՝ ստաննում)՝ տարրերի պարբերական համակարգի 4-րդ խմբի քիմիական տարր, կարգահամարը՝ 50 https://hy.wikipedia.org/wiki/%D4%B1%D5%B6%D5%A1%D5%A3 – cite_note-3, ատոմական զանգվածը՝ 118, 69։
Կոնկրետ հայտնի չէ, թե մարդն առաջին անգամ երբ է ծանոթացել անագի հետ։ Անագը եւ դրա համաձուլվածքները հայտնի են մարդկությանը հնագույն ժամանակներից։ Անագի մասին հիշատակվում է Հին Կտակարանի նախնական գրքերում։ Անագի եւ պղնձի համաձուլվածքները, այսպես կոչված՝ անագե բրոնզները, ենթադրվում է, որ օգտագործվել են Ք. ա. ավելի քան 4000 տարի առաջ։ Իսկ հենց անագ մետաղի հետ մարդը ծանոթացել է շատ ավելի ուշ՝ մեր թվարկության 800-ականներին։ Մաքուր անագից հնում պատրաստում էին սպասք եւ զարդեր, լայն կիրառություն ունեին բրոնզե իրերը։
Դեռեւս Ք. ա. 4-րդ հազարամյակի վերջին, պղնձի եւ անագի հանքանյութերը համատեղ ձուլելով, մարդիկ ստանում էին բրոնզ համաձուլվածքը։ Շատ ավելի ուշ բրոնզն արդեն ստանում էին պղինձն ու անագը համատեղ ձուլելով։ Բրոնզը դեղին էր, շատ ամուր եւ գեղեցիկ։ Դրանից ձուլում էին արձանիկներ, կռում սրեր, պատրաստում աշխատանքային գործիքներ ու ամանեղեն, հատում դրամ։ Մարդկության պատմության մի ամբողջ դարաշրջան ստացել է բրոնզի դար անունը https://hy.wikipedia.org/wiki/%D4%B1%D5%B6%D5%A1%D5%A3 – cite_note-4։
Անագի համաշխարհային պաշարները Հարավային Ասիայում են, հիմնականում Չինաստանում, Ինդոնեզիայում, Մալայզիայում եւ Թայլանդում։ Ինչպես նաեւ խոշոր հանքավայրեր կան Հարավային Ամերիկայում (Բոլիվիա, Պերու, Բրազիլիա) եւ Ավստրալիայում։
